Без вода денеска од 9 часот ќе останат дел од жителите лоцирани на улиците „Васил Ѓорѓов“ број 19, „Народен Фронт“ и „Христо Смирненски“ број 13, а од 10 часот дел од жителите од улицата „Александар Урдаревски“.
Како што информира ЈП „Водовод и канализација“ – Скопје, поради уличен дефект на „Васил Ѓорѓов“ број 19, прекин во водоснабдувањето ќе имаат дел од корисниците од истата улица и дел од улицата „Народен Фронт“.
Поради изведување водоводен приклучок ф-100 милиметри на улица „Христо Смирненски“ број 13, без вода ќе бидат дел од корисниците од истата улица, на потегот од маркетот „Зур“ до булеварот „Партизански Одреди“.
Прекинот во водоснабдувањето во општина Бутел е поради изведување приклучок на улица „Александар Урдаревски“ без број за Полициска станица Бутел. Без вода ќе останат две куќи од улицата „Александар Урдаревски“.
Водоснабдувањето на трите локации ќе биде прекинато до санирање на дефектите.
