Македонија го има автопатот кој е на многу важен коридор. Со него и Грција се поврзува со централна и западна Европа. Многу патници, многу странски туристи поминуваат од Куманово кон Гевгелија и обратно.
Е, сега владата имала цел да се олеснела и изградбата на нови хотели за да се задржат туристите кои транзитираат низ Коридорот 10 или официјално Е-75. Министерот за култура Љутков дури и праша дали навистина го гледаме потенцијалот што се крие по овој автопат и дека е убеден дека секој километар од овој пат носи во себе можност за нова соработка, ново партнерство и нов развој.
Убаво е автопатот да се претвори во потенцијал во успешна економска приказна. Но, за да се успее во тоа треба прво на автопатот да се закрпат сите дупки и многуте нерамнини, да се исчистат постојните паркинзи и да се направат нови помодерни и поубави каде ќе застанат туристите. Патарините одлично работат на автопатот, исто нека работат и тие што го одржуваат. Потоа се на ред хотелите и другите содржини.
