Со одлука на Апелациски суд Скопје укинати се куќните притвори за поранешниот генерален секретар на Владата Драги Рашковски и поранешниот претседател на македонскиот парламент Трајко Вељноски.
Во случајот со поранешниот генерален секретар на Владата Драги Рашковски, кој е во домашен притвор веќе девет месеци, судот ја прифати понудената гаранција од 192.980 евра во недвижен имот. На Рашковски определени му се мерки на претпазливост и тој секој понеделник ќе мора да се јавува во Основниот кривичен суд Скопје и провремено му е одземен пасошот се до правосилноста на пресудата во случајот во кој тој е обвинет за злоупотреба на службената положба и овластување и перење пари.
Трајко Вељаноски, поранешниот претседател на Собранието, е во куќен притвор седум месеци за случајот „Организатори на 27 април“ за кој од првостепениот суд е осуден на шест години и шест месеци затвор. На обвинетиот ќе му се определи мерка притвор ако не дојде на уредно доставената покана и за тоа не го оправда изостанокот, побегне или го повтори или го доврши кривичното дело или го стори кривичното дело со кое се заканува.
