Партијата ВЛЕН остро реагира на обидите на Али Ахмети и ДУИ да го прикажат мандатот на Бујар Османи како претседавач со ОБСЕ како „дипломатски успех“. Според ВЛЕН, реалноста е спротивна – за време на неговото претседавање, Османи често заземал позиции усогласени со интересите на Белград, а штетни за Косово.
Од ВЛЕН наведуваат дека Османи под изговор на „деескалација“ предложил решенија кои го поткопале суверенитетот на Косово, вклучувајќи барање за оставка на легитимно избрани градоначалници, условување за повлекување на косовските безбедносни сили од сопствена територија и фаворизирање на минимални мерки кон Србија.
Исто така, во повеќе ситуации ОБСЕ под негово водство испраќала „премногу благи пораки“ или молчела, што Белград го толкувал како охрабрување за продолжување со провокациите во северно Косово.
„Ова не е жртва, ниту успех, туку пример на дипломатска потчинетост каде што личниот и партиски интерес на ДУИ беше пред интересите на Косово, Албанците и регионалната стабилност,“ велат од ВЛЕН.
Партијата најавува дека ќе продолжи да се залага за надворешна политика заснована врз јасни принципи – секогаш на страната на правдата, слободата и Косово.
МОЖЕБИ ЌЕ ВЕ ИНТЕРЕСИРА:
