Амбициите на ГРК Охрид за успешна сезона продолжуваат, а клубот го официјализираше и најновото засилување. Станува збор за хрватскиот ракометар Џанфранко Прибетиќ, кој настапува на позицијата пикер.
Прибетиќ потпиша договор со охридскиот клуб до 2028 година. Се работи за 25-годишен ракометар висок 196 сантиметри, познат по своите силни дефанзивни карактеристики и физичка доминација во играта.
Новото засилување има интернационално искуство, со настапи во германската Бундеслига, а во Хрватска го носеше дресот на Нексе, еден од водечките клубови во земјата.
Охриѓани веќе беа активни на трансфер-пазарот за време на паузата во првенството, откако претходно го ангажираа и десното крило Ален Ќосевски од Вардар.
Во февруари наредната година, покрај обврските во домашното првенство, ГРК Охрид ги очекуваат и европски предизвици, со двомечот против Дукла Прага во рамки на ЕХФ Европски куп.
МОЖЕБИ ЌЕ ВЕ ИНТЕРЕСИРА:
