Двајца верници кои денеска скокнаа во реката Вардар за фаќање на светиот крст по повод празникот Водици во Скопје завршија на лекување во болницата „8-ми Септември“ поради премрзнување. Станува збор за млади лица на возраст од 20 и 26 години.
Според информациите од болнички извори, нивната здравствена состојба е стабилна, а лекарските екипи реагирале навреме, објави Сител.
Годинава за фаќање на крстот во Скопје беа пријавени 160 верници, од кои околу 140 влегоа во студените и надојдени води на реката Вардар. Поради силниот тек и ниската температура, излегувањето од реката за дел од учесниците било отежнато, па на некои им била неопходна помош од екипите на Црвениот крст.
Настанот привлече илјадници граѓани, значително повеќе во споредба со минатата година. Кејот и околните мостови беа исполнети со луѓе, а атмосферата уште еднаш ја потврди силната врска меѓу традицијата, верата и заедништвото.
Светиот крст годинава го фати 24-годишниот Дарко Митровиќ од општина Центар, кој најбрзо доплива до него меѓу сите учесници и беше награден со пригодни подароци.
МОЖЕБИ ЌЕ ВЕ ИНТЕРЕСИРА:
