Нова група македонски државјани се очекува да биде евакуирана од Блискиот Исток во рамки на државната операција за враќање на граѓаните кои се наоѓаат во регионот погоден од безбедносни тензии. Евакуацијата се организира со специјален лет во координација со Министерството за надворешни работи и дипломатско-конзуларните претставништва.
Според информациите од надлежните институции, станува збор за 153 патници кои претходно се пријавиле за евакуација. Од нив, 96 се од Катар, 33 од Кувајт, 15 од Бахреин и девет од Саудиска Арабија.
Летот е организиран од аеродромот во Ријад, а патниците ќе слетаат на аеродромот во Приштина, по што ќе им биде обезбеден превоз до Скопје. Целокупната организација на евакуацијата и трошоците за транспортот ги покрива државата.
Ова е дел од пошироката операција за извлекување на македонски граѓани од Блискиот Исток, која се спроведува поради влошената безбедносна состојба во регионот. Во претходните денови веќе беа реализирани неколку летови со кои во земјава се вратија стотици патници.
Надлежните институции информираат дека евакуацијата ќе продолжи и во наредниот период, со цел сите македонски државјани кои побарале помош да бидат безбедно вратени во земјата.
МОЖЕБИ ЌЕ ВЕ ИНТЕРЕСИРА:
