Рускиот претседател потпиша указ со кој официјално се распишуваат изборите за нов состав на Државната дума, долниот дом на Федералното собрание на Руската Федерација. Според документот, изборите ќе се одржат на 20 септември, а указот стапува во сила веднаш по неговото официјално објавување.
Овие избори ќе бидат значајни бидејќи за првпат право на учество ќе имаат и жителите на Донбас и Новоросија, територии кои Русија ги анектираше по референдумите одржани во 2022 година. Анексијата не е признаена од Украина, како и од голем дел од меѓународната заедница.
Покрај изборите за пратеници во Државната дума, во земјата ќе се организираат повеќе од 2.200 изборни процеси на различни нивоа на власта. Според најавите, ќе се избираат околу 20.700 пратенички и други јавни функции низ државата.
Во рамки на изборниот циклус ќе се избираат и раководители на 11 руски региони. Во осум региони граѓаните директно ќе гласаат за своите гувернери, додека во преостанатите три региони највисоките функционери ќе бидат избрани од локалните законодавни тела.
Планирани се и избори за регионалните парламенти во 39 руски субјекти, со што претстојниот изборен ден ќе биде еден од најобемните изборни процеси во земјата во последните години.
МОЖЕБИ ЌЕ ВЕ ИНТЕРЕСИРА:
