Хрватско крајбрежје: За оставање крпа на плажа преку ноќ казна до 1.300 евра
Оставањето крпи и лежалки на плажа во текот на ноќта, за наутро да не се мачат за добри позиции на плажата, е честа тактика на туристите. Сепак, на хрватското крајбрежје решиле тоа да го искоренат.
Добиј ги најважните вести, бесплатно на Viber
Комуналното претпријатие во Нови Винодолски во Хрватска издало соопштение дека секој што ќе остави „реквизити“ на плажа ќе биде казнет, а предметите ќе бидат отстранети, пишува „Индекс.хр“.
Согласно член 59 од Одлуката за комунален ред, забрането е оставање на крпи, реквизити за плажа и други лични предмети на природни и уредени плажи по нивното користење.
Пропишани се и казни за прекршителите кои се движат од 80 до 200 евра за физички лица и до 1.300 евра за правни лица.
Градот Нови Винодолски ќе го отстрани секој предмет оставен на плажите, а сопствениците, ако сакаат, ќе можат да го подигнат во Домот за култура Нови Винодолски.
Предметите може да се подигнат во рок од осум дена.
Да потсетиме, во Дубровник се воведени и парични казни за несоодветна облека.
МОЖЕБИ ЌЕ ВЕ ИНТЕРЕСИРА:
