Осумнаесет години без Тоше, но со многу тага, болка и уште повеќе сеќавања за врвниот музичар, големиот хуманитарец, човекот со срце за секого.
Со 500 рози крушевчани ги пречекаа 12 ултрамаратонци кои и ова година трчаа од Нова Градишка, Хрватска, каде во сообраќајка Тоше го загуби животот, до Крушево, до неговото вечно почивалиште на Гумење.
Почит за Тоше и од бројните поддржувачи од балканските и другите земји, пораки и од крушевчани.
Со учесници од повеќе земји во Крушево и во Битола се одржува фестивал со песните на Тоше.
Фотографиите и видеата од смачканиот џип „Туарег“ на сите веќе им се добро познати, но речиси по многу години се појави и видео од сведоците на лице место тоа утро.
Имено на Јутјуб пред четири години се појавило видео кое е направено со мобилен телефон во тоа време, а на него се гледа како има колона возила запрени во место поради сообраќајна несреа.
Сведокот со мобилниот телефон се приближува кон смачканиот автомобил, а во меѓувреме има и брза помош на лице место што значи дека се уште на никој не му било јасно дека тој ден Балканот ќе биде завиен во црно…
Само неколку минути подоцна, медиумите пристигнале на лице место, но на местото останал да сведочи само „Туарегот“ со траги на свежа крв.
