Џафери достави предлог до Собранието за разрешување на Меџити и Алиу и именување нови министри
Премиерот Талат Џафери достави допис до претседателот на Собранието, Јован Митрески, во кој, во согласност со член 94, став 2 од Уставот, предлага Собранието на првата наредна седница да ги разреши: Фатмир Меџити од функцијата министер за здравство и Азир Алиу од функцијата министер за информатичко општество и администрација.
Џафери достави и допис до собранискиот претседател Митрески, во согласност со горенаведениот член од Уставот, Собранието да ги избере: Илир Демири за министер што ќе раководи со Министерството за здравство и Наим Бајрами за министер што ќе раководи со Министерството за информатичко општество и администрација.