Ескалира раздорот во СДСМ со нови напади помеѓу кандидатите за претседателската позиција. Во изјава за ТВ24, Венко Филипче жестоко му одговори на Јово Деспотовски, истакнувајќи дека обидите да го дискредитираат преку скриени пораки само ја слабее партијата.
Филипче, поранешен министер за здравство и член на крилото кое го поддржува Зоран Заев, во своето интервју нагласи: “Наместо да се фокусираме на внатрешната битка, треба да се обединиме и да работиме за доброто на партијата и граѓаните.”
Оваа изјава на Филипче е одговор на нападот на Јово Деспотовски со кој истакна дека старите луѓе треба да си заминат од партијата бидејќи народот не може да ги гледа.
Оваа изјава предизвика жестоки реакции, вклучувајќи го и градоначалникот на Валандово, Перо Костадинов, кој во својот пост на социјалните медиуми го нападна Деспотовски, нагласувајќи дека ваквите потези претставуваат навреди и шиканирања.
Костадинов, пак, исто така беше подложен на критики од страна на граѓаните, кои го обвинуваат за директна одговорност за изборната катастрофа на СДСМ на изборите во мај 2024 година.
Со овие нови реакции и зголемување на тензиите, раздорот во СДСМ ескалира. Партиискиот конфликт помеѓу кандидатите за лидерската позиција, Деспотовски и Филипче, само ја продлабочува кризата во партијата која се соочува со историски најлоши изборни резултати и можен распад на најмалку три фракции.
