Проблемот со упад на неовластени лица и пожари во депонијата „Дрисла” почна да се средува. Имено, на депонијата се става ограда во делот каде тоа до сега го немаше.
Со средства обезбедени од Министерството за животна средина, во вредност од 9 милиони денари, се гради ограда долга 4.800 метри и висока 1,5 метри, поставена на 1.500 метални столбови. Ќе има двојна бодликава жица и бетонски темели, со што ќе се оневозможи неовластен влез во депонијата. Со тоа ќе ги снема и пожарите и ќе се намали загадувањето во Скопје.
Да се надеваме дека освен ова властите ќе продолжат да инвестираат и во модернизација и трансформација на Дрисла во современ центар за отпад.
