Ливерпул продолжува да се мачи оваа сезона, откако „црвените“ одиграа драматично реми 3-3 на гостувањето против Лидс, што дополнително го зголеми притисокот врз тренерот Арне Слот, кој се смета за најодговорен за кризата на актуелниот англиски првак.
„Црвените“ имаа целосна контрола над мечот и водство од 0-2, благодарение на двата гола на Екитике. Сепак, почетнички пенал на Конате против Гнонто ја отвори вратата за Лидс. Калверт Луин реализираше од белата точка, а домаќините набрзо стигнаа и до 2-2.
Собослаи донесе нова надеж за Ливерпул со гол за 2-3, но кога се чинеше дека триумфот е сигурен, Лидс во 96. минута успеа да израмни. Танака беше осамен на втората статива по корнерот од левата страна и го матира Алисон Бекер, предизвикувајќи еуфорија меѓу домашните фанови на „Иланд роуд“.
Со овој резултат, кризата на Ливерпул се продлабочи, а притисокот врз Арне Слот станува сè поголем, додека актуелниот првак продолжува да бара стабилност и резултати на теренот.
МОЖЕБИ ЌЕ ВЕ ИНТЕРЕСИРА:
