Во Општина Прилеп денеска се одржа јавна презентација и стручна консултација во врска со проектната активност која што се работи заедно со Министерството за транспорт и врски за изработка на План за одржлива урбана мобилност (SUMP), кој ќе се реализира со финансиска поддршка од Светска банка. Целта на проектот е да се подобри пристапноста, безбедноста и ефикасноста на сообраќајот во градот, како и да се намалат негативните влијанија врз животната средина.
Управувачкиот комитет истакна дека изработката на Планот претставува важен чекор кон создавање модерен, функционален и одржлив сообраќаен систем во Прилеп. „Со овој план ќе се унапреди патната инфраструктура, ќе се поттикне користењето на одржливи начини на транспорт и ќе се создадат услови за побезбеден и поефикасен сообраќај за сите граѓани“, посочи Проданоски.
На средбата беа присутни претставници од Министерството за транспорт, како и тимот на општината кој работи на проектот, претставници од Министерството за внатрешни работи, од Јавното претпријатие ПУП Прилеп, претставници на институции и граѓани. Се дискутираше за тековните активности и идните чекори за финализирање на Планот за одржлива урбана мобилност, како и можностите за подобрување на интегрираниот систем на сообраќајот во општината.
Планот ќе се фокусира на потребите за мобилност на граѓаните, институциите и компаниите во урбаното подрачје на Прилеп, при што ќе се применува транспарентен и партиципативен пристап. Во процесот и понатаму ќе бидат активно вклучени јавните институции, организациите и другите засегнати страни, со цел да се обезбеди поширока поддршка и успешно спроведување на предвидените мерки.
Од Општината информираат дека ќе следат повторно вакви јавни консултативни средби на кои што претставници од институциите и организациите ќе можат да дадат свои предлози и мислења во процесот на креирање на Планот за одржлива урбана мобилност.
МОЖЕБИ ЌЕ ВЕ ИНТЕРЕСИРА:
