Даова Татјана мајка на повредениот кој беше прегазен на пешачкиот премин, упати порака до 22-годишниот возач кој заврши во притвор и ја прегази Викторија Николова. Даова, возачот го нарекува „убиец“, вели дека нема друг збор со кој може да му се обрати.
„Убиецу – Порака до тебе. Бидејќи немам друг збор со кој би ти се обратила, Јас мајка, на син кој за влакно ја избегна смртта а Викторија ја уби. Посакувам да ги видиш тие очи ширум отворени желни за живот, тоа убаво лице уништено до непрепознатливост а за тоа си виновен ти-убиецу. Посакувам совеста да ти ја гризе душата (ако ја имаш) а душата да ти гори во пеколот. А ти ангелу наш Викторија почивај во мир и рајските порти се отворени за тебе“, напиша Даова, мајка на повредениот.
Нејзиниот син помина со полесни повреди и за влакно се спаси и тој да биде прегазен.
