Телеметриската сеизмолошка мрежа на Северна Македонија, управувана од Сеизмолошката опсерваторија при Природно-математичкиот факултет во Скопје, вечерва во 22:05 часот регистрираше земјотрес со епицентар на територијата на Косово.
Според податоците од опсерваторијата, земјотресот бил на околу 45 километри северозападно од Скопје, со локална магнитуда од 4,6 степени според Рихтеровата скала.
Потресот бил почувствуван во повеќе делови од државата. Во Тетово, Гостивар и нивната околина бил почувствуван со интензитет од V степени според Европската макросеизмичка скала. Во Скопје и околината интензитетот се движел меѓу IV и V степени, додека во другите делови од земјата бил почувствуван со интензитет од III до IV степени.
Засега нема информации за материјална штета или повредени лица. Надлежните институции ја следат состојбата и апелираат граѓаните да останат смирени и да ги следат официјалните информации.
МОЖЕБИ ЌЕ ВЕ ИНТЕРЕСИРА:
