СДСМ ја обвинува власта дека има пари за луксуз, а нема за покачување на платите на работниците

„Додека над 200.000 работници едвај врзуваат крај со крај, а вредноста на синдикалната кошница одамна надмина 66 илјади денари, Владата одбива да ја покачи минималната плата на 600 евра. Работниците протестираат за достоинствени плати на улиците за да може да ги платат сметките и да обезбедат храна, а Владата ги игнорира и најавува купување нов авион,” се вели во соопштението од СДСМ.

За опозициската партија ова е навреда за секој чесен работник, за секое семејство што се бори со тешкото секојдевие, со високите трошоци и поскапувањата.