Жителите на Бутел, Гази Баба, Ѓорче Петров и Кисела Вода се одлучија уште во првиот круг кој да ги води овие општини во следните четири години. Сите се од ВМРО-ДПМНЕ. Дарко Костовски, Бобан Стефковски и Александар Стојкоски се старо нови градоначалници, додека во Кисела Вода нов градоначалник е Бети Стаменковска – Трајкоска.
И Чаир и Сарај избраа во првиот круг. Таму победија Изет Меџити и Мухамет Елмази и двајцата од ВРЕДИ.
Во останатите четири скопски општини Карпош, Аеродром, Центар и Шуто Оризари, одлуката која ќе биде прв човек, граѓаните ќе ја кажат за две недели.