Времето денеска ќе биде сончево со мала до умерена локална облачност и со слаб до умерен ветер од југоисточен правец. Минималната температура ќе се движи од -3 до 3 степени, додека максималната ќе достигне од 12 до 18 степени, информира Управа за хидрометеоролошки работи.
Во Скопје се очекува сончево време со мала до умерена облачност и слаб до умерен ветер од југоисточен правец. Утринската температура ќе се спушти до околу 0 степени, а максималната дневна ќе достигне 17 степени.
Според прогнозата на Управа за хидрометеоролошки работи, до петок времето ќе биде сончево и релативно топло, со мала до умерена облачност. Утринските часови ќе бидат постудени, а во некои места минималната температура ќе се спушти и под нулата.
За време на викендот се очекува променливо облачно време, со услови за појава на слаби локални врнежи од дожд.
