Градоначалници во скопските општини по првиот изборен круг добија Бутел, Гази Баба, Ѓорче Петров, Кисела Вода, Сарај, Чаир.
Во вториот круг трката за освојување градоначалничка функција ќе биде во четири скопски општини – Аеродром, Центар, Карпош и Шуто Оризари.
Во вториот круг ќе се одлучи и кој ќе биде иден градоначалник на Градот Скопје. Според официјалните првични резултати на Државната изборна комисија таму ќе се соочат кандидато на ВМРО-ДПМНЕ, Орце Ѓорѓиевски кој освои 39,43 отсто од гласовите и Амар Мециновиќ од Левица со освоени 13,20 отсто гласови.
Големо изненадување е што кандидатката на СДСМ, Каја Шукова, не само што не успеа да влезе во вториот круг туку не е ниту на третото место. Таа изборната трка ја заврши како четврта со само 680 гласа повеќе од петтопласираниот кандидат од колацијата на ДУИ.
