Едно лице го загуби животот во тешка сообраќајна несреќа што се случи рано изутринава во Скопје.
Како што информираат од полицијата, на 25 јануари 2026 година во 04:10 часот во СВР Скопје било пријавено дека на крстосницата меѓу булеварот „Александар Македонски“ и улиците „16 Македонска Бригада“ и „Интернационални Бригади“, патничко возило „форд“ со скопски регистарски таблички, управувано од Б.С. (45) од Скопје, излетало од коловозот.
Во несреќата возачот се здобил со тешки телесни повреди и со возило на Итна медицинска помош бил пренесен во Градската општа болница „Св. Наум Охридски“, каде што лекарите констатирале смрт.
По наредба на јавен обвинител, телото на починатиот било предадено на обдукција во Судската медицина, а увид на местото на несреќата извршила увидна екипа од СВР Скопје.
МОЖЕБИ ЌЕ ВЕ ИНТЕРЕСИРА:
