Турскиот претседател Реџеп Таип Ердоган во понеделникот изјави дека администрацијата на американскиот претседател Џо Бајден треба да го одржи ветувањето и да соработува со Турција со цел „заеднички да ја запре трагедијата и да ја одбрани демократијата во Сирија“, пренесе ТРТ.
Ердоган зборуваше за Сирија, по повод деценијата од почетокот на граѓанската војна во таа земја.
„Горд сум да кажам дека позицијата на Турција не е променета од самиот почеток на граѓанската војна во Сирија“, рече Ердоган, пренесе Новости.
Тој рече дека турскиот народ верува дека воспоставувањето систем што ќе може да ги претставува сите Сиријци е клучно за мирот и стабилноста во Сирија.
Според него, мирно и трајно решение нема да биде можно без почитување на територијалниот интегритет и политичкото единство на Сирија.
Ердоган исто така рече дека САД и Турција треба да соработуваат во контекст на Сирија.
– Администрацијата на Бајден треба да го исполни ветувањето и да соработува со нас со цел да се запре трагедијата и да се брани демократијата во Сирија – рече Ердоган.
Тој додаде дека Западот мора прво да заземе јасен став против терористите на ЈПГ и „режимот чии раце се крвта на невините во Сирија“.
