Пасошите, возачките и личните карти нема да важат од 12 февруари, без разлика до кога е рокот на истекување

Пасошите, возачките и личните карти нема да важат од 12 февруари, без разлика до кога е рокот на истекување

За важноста на личните карти, пасошите и возачките дозволи, МВР не може да одлучува, а не се знае што понатаму со личните документи. Засега е познато дека сите документи по 12 февруари нема да важат. Тоа значи дека не може да се патува со нив, освен ако не се донесе поинаква одлука до идниот месец.

Од МВР велат само дека документите треба да се променат. На реакциите дека има гужви по пунктовите, а нема ниту доволно термини, велат дека прават се за да секој граѓанин добие документ навремено.

Тие додаваат дека ги користат сите капацитети за граѓаните да добијат лични документи.

„Покрај редовното работење со закажан термин, овозможивме и фотографирање за лични документи без закажан термин во ПС Пролет. Што се однесува до подигнувањето на веќе готови документи, шалтерите работат и преку викенд и тоа соодветно го најавуваме преку медиумите за граѓаните да бидат информирани кога и каде можат да подигнат документи“, додаваат од МВР.