Од утре престанува да важи мерката за гарантирана цена на голем дел од прехранбените производи ,безалкохолните пијалоци , но истекува и рокот на Владината одлука со која беа намалени увозните давачки за зеленчукот.
Инспекцискиот совет најавува дека инспекторите ќе ја следат состојбата низ маркетите со цел да не настане ценовен шок, но оттаму апелираат и на поголема совесност од страна на трговците и земјоделците.
– Сведоци сме дека ДПИ во изминатиов период беше активно на терен и тоа најмногу можеа да го почувствуваат граѓаните бидејки постојано ги контролираше гарантираните цени, сега малку да оставиме на совесноста на субјектите на надзор односно на производителите и на трговците. Во чекување сме на донесување на системско решение на Законот за забрана на нефер трговски практики, особено во трговијата со земјоделски и прехрамбени производи. Секако инспекторите од пазарниот инспекторат и натаму бурно ќе ја следат ситуацијата на терен,- претседателка на Инспекциски совет- Даниела Рендевска.
Граѓаните кои ги анкетиравме со поделени мислења по најавите за засилен испекциски надзор, но и по уверувањата од страна на вицепремиерот Фатмир Битиќи дека ценовен шок нема да има , но сепак најголемиот дел од нив велат дека очекуваат поскапување на прехрамбените производи.
Состојбата со високите цени на храната беше најавено дека ќе се амортизира со Законот за нефер трговски практики, кој засега е во Собраниска процедура. Од Министерството за економија посочуваа дека со него ќе се стави ред во нелојалната конкуренција во трговијата, а самото тоа би довело до намалување на цените на прехранбените и земјоделските продукти.