Непосредно по катастрофалниот земјотрес во Скопје, во 1963 година со отстранување на тешките последици и обновување на Градот, започнала изградбата на Универзална сала, како трајно одбележување на хуманата акција на дарители од странство.
Официјално е отворена на 10 јануари 1966 година како Центар за организирање на приредби со драмската претстава “Виктор или деца на власт” во изведба на “Атеље 212” од Белград, а на 16 јануари е одржан голем Симфониски концерт на Македонската филхармонија со пијанистот Александар Униновски.
По тој повод на 6 март во 12 часот во Градската библиотека “Браќа Миладиновци” на 1 кат ќе се одржи одбележување на 60-годишнината на ЈУ Универзална сала – Скопје каде ќе говори и авторката на книгата ”Скопскиот симбол на хуманоста”
Младите се насочени кон иднината , средовечните се меѓу времињата , а повозрасните живеат во светот на спомените. За вкоренување на културната свест е неопходно да се обнови сликата на минатото во контекст на денешницата, односно да се искористи она што минатото ни го оставило и тоа да се обликува за нашите поколенија. Книгата, која излегува по повод 60-годишнината од идејата за изградба на Универзалната сала во Скопје (1963 – 2023) , има токму таква цел.
До затворањето на Универзална сала, вкупно се одржани околу 5.000 манифестации следени од околу 5.800.000 посетители.
МОЖЕБИ ЌЕ ВЕ ИНТЕРЕСИРА:
