Тешко се живее во Штип во последниот период, особено за фамилиите кои останаа без работа по затвoрањето на повеќе компании со голем број на работни места. Сето ова го потврди и нашиот соговорник, од кого ќе прочитате, за жал, многу застрашувачки работи во продолжение.
Уште пострашно е тоа што околу 10 конфекции се затворени за само 8 месеци, што го потврди и Ангел Димитров од Организација на работовачи. Неговото интервју и повеќе во врска со оваа тема може да прочитате на Економија и бизнис (ekonomijaibiznis.mk).
Нашиот соговорник е еден од луѓето кои останале без работа, вели дека наскоро и јавно ќе излезе да зборува, ако ситуацијата не се подобри односно за нив не се пронајде решение и стабилна работа, за сигурен финансиски извор.
-Се прашувам дали имаат срам Иван Јорданов, Христијан Мицковски и нивните потрчковци кога влегуваат во секој дом и ја бараат подршката, а цел месец не проговорија за нас работниците кои поради ненајавено затварање на конфекциите останавме на улица. Еден збор да гукнеа и тие и од ресорноте министерства, револтирано вели нашиот соговорник, а потоа додава:
-Над 100 семејства останавме на улица, а тие ќе си прават денови на модата, оти нели ние сме биле град на текстилната индустрија. Со парите што ги дадоа ние можеме да ги прехраниме нашите семејства. Ова повеќе не се трпи, немаме што да изгубиме, наскоро ќе започнеме и со порадикални чекори, доколку за брзо време не се пронајде решение за нас, луто завршува соговорникот.
МОЖЕБИ ЌЕ ВЕ ИНТЕРЕСИРА:
