Се уште се слуша ехото од вчерашната посета на претседателката на Европската комисија Урсула фон дер Лајен на Македонија. Во тој оддек има и некои работи кои останаа недообјаснети за јавноста.
Да, таа јасно побара смена на Уставот и јасно укажа дека топката е во македонскиот двор, сепак тоа не е нешто ново, напротив многупати сме го слушнале. Но заинтригира кратко напишаното од Фон дер Лајен дека ЕУ е подготвена. И тука е нејаснотијата, а бидејќи избегна средба со новинари се скрати можноста таа да добие прашање – на што конкретно ЕУ е подготвена кога се работи за македонското евроинтегрирање?
Флоскулата – „Целосно ја поддржуваме вашата земја на нејзиниот пат кон ЕУ” и сега ја добивме и многу пати сме ја слушнале низ годиниве. Сега беше добра прилика бриселската функционерка да каже нешто далеку поконкретно и попрецизно – што Македонија да очекува од Брисел за време на преговорите? Тоа објаснување го чекаат и го заслужуваат македонските граѓани.
МОЖЕБИ ЌЕ ВЕ ИНТЕРЕСИРА:
