Потпретседателот на ВМРО-ДПМНЕ, Тимчо Муцунски вечерва на прес конференција аизјави дека партијата е на прагот на голема победа и дека денешниот изборен ден поминал во мирна, фер и демократска атмосфера, каква што доликува на една европска држава.
„На прагот сме на голема победа на ВМРО-ДПМНЕ и коалицијата. Ќе победиме во најголем дел од општините во државата. Денес Македонија имаше мирни и успешни избори кои ги задоволуваат највисоките критериуми за демократски изборен процес,“ изјави Муцунски, додавајќи дека ова се „најпримерните и најмирни избори во поновата историја“.
Тој им се заблагодари на граѓаните за, како што рече, нивната решителност, одлучност и доверба, нагласувајќи дека тоа е најголемата потврда за политиката и проектите што ги реализира ВМРО-ДПМНЕ.
„Очекуваме одличен изборен резултат и огромна победа која ќе биде прослава на волјата на граѓаните, но и порака до сите оние кои ја влечат Македонија на дното, во безидејност и без визија. Македонија одлучи денес на тоа да стави крај,“ рече Муцунски.
Во однос на обвинувањата за наводни нерегуларности, тој истакна дека станува збор за обид на политичките противници да создадат алиби за поразот.
„Тоа е стратегија на СДСМ, партија со многу проблеми која треба конечно да се реформира. Победата што ја очекуваме ќе биде чиста и јасна – и тоа за нас значи уште поголема одговорност,“ потенцира Муцунски.
МОЖЕБИ ЌЕ ВЕ ИНТЕРЕСИРА:
