Во трговскиот центар „Дајмонд” од денеска до недела во соработка со јавното претпријатие „Лајка” ќе се одржи саем за миленичиња, парада на хуманоста и концерт на познати македонски пејачи.
Организаторите најавуваат настан исполнет со љубов, добрина и шанса за подобар живот на бездомните кучиња.
– Ова е настан кој ги спојува семејствата, децата и љубителите на животни, потсетувајќи дека грижата за миленик е одговорност, а не тренд.
Во текот на целата недела, посетителите ќе можат да ја посетат донаторската зона и „Ѕвездите на Лајка” – простор посветен на кучињата кои моментално се згрижени во Лајка и со нетрпение очекуваат да бидат вдомени. Секој гостин ќе има можност да ги запознае, да дознае нешто повеќе за нивните приказни и – можеби – да си замине дома со нов верен пријател, велат од ЈП „Лајка”.
