Фудбалската репрезентација на Македонија првпат во историјата успеа до последното коло да остане во трка за првото место во една квалификациска група. Полека, но сигурно, се менува реалноста на македонскиот репрезентативен фудбал – амбициите растат, а резултатите се движат во нагорна линија.
Во квалификациската група Ј за Светското првенство, Македонија влегува во последното коло како второпласирана со 13 бода, два помалку од лидерот Белгија. Реалноста е дека Белгијците без проблем ќе ја завршат својата задача, бидејќи на домашен терен играат против апсолутниот аутсајдер Лихтенштајн – па затоа речиси извесно е дека ќе го задржат првото место кое носи директен пласман на Мундијалот.
Македонија има само математички шанси за врвот. За тоа да стане возможно, Лихтенштајн би требало да ја победи Белгија, а нашата репрезентација да слави во Кардиф против Велс. Ако вториот услов и не звучи толку недостижно, првиот останува во рамките на научна фантастика. Жално е што токму двете домашни ремија – против Велс со примен гол во 96. минута и последното против Казахстан во октомври – го отежнаа патот до првото место.
Сепак, Македонија има обезбеден бараж, а во вторник против Велс ќе се бори и за подобра позиција на ждрепката, односно за релативно полесен противник во првата бараж рунда.
МОЖЕБИ ЌЕ ВЕ ИНТЕРЕСИРА:
