Премиерот Христијан Мицкоски на денешната собраниската седница за пратенички прашања, одговарајќи на прашање на лидерот на опозициската СДСМ, Венко Филипче, во однос на поскапувањето на цената на струјата, нагласи дека изминатиот период СДСМ постојано ја манипулирал јавноста со бројки за покачување на цената.
„Регулаторната комисија по закон е независно тело, не знам зошто мене ми го поставувате ова прашање, претпоставувам треба да му го поставите на Марко Бисломоски, чиј што брат сега ви е член на Извршниот одбор, рече Мицкоски.
Тој истакна и дека изминатите година и половина повеќе од 50 луѓе од партијата на Филипче или се под истрага или се водат судски процеси против нив, а поранешен директор и висок поранешен функционер на СДСМ е во бегство.
Премиерот кажа и дека владата на СДСМ од криминалот во енергетскиот сектор направила десетици стотици милионери, политички профитери и лешинари.
МОЖЕБИ ЌЕ ВЕ ИНТЕРЕСИРА:
