Силно невреме проследено со грмежи предизвика повеќе инциденти во јужна Германија, при што најмалку десет лица беа повредени од удари на гром, додека метеоролозите предупредуваат на нов бран бури и екстремно високи температури во наредните денови.
Најтежок беше инцидентот во градот Раштат, во покраината Баден-Виртемберг, каде што се одржуваше голем ракометен турнир и се поставуваше камп за учесниците. Додека силниот ветер им се закануваше на шаторите, неколку лица се обиделе да ги обезбедат, кога гром удрил во нивна непосредна близина.
Во несреќата биле повредени осум возрасни лица и едно 13-годишно дете. Едно лице се здобило со потешки повреди, додека останатите поминале со полесни повреди и добиле медицинска помош.
Дополнителен инцидент бил регистриран и во Минсинген, исто така во покраината Баден-Виртемберг. Таму гром удрил во близина на шатор во кој 71-годишна жена подготвувала храна. Таа претрпела електричен удар и била пренесена во болница на понатамошно набљудување.
Надлежните служби апелираат граѓаните да бидат внимателни и да ги следат предупредувањата за временските услови, бидејќи се очекуваат нови невремиња и високи температури низ делови од Германија.
МОЖЕБИ ЌЕ ВЕ ИНТЕРЕСИРА:
