Времето денеска ќе биде променливо облачно и студено, соопштија од Управа за хидрометеоролошки работи.
Долж Повардарието и во источните делови од земјава ќе дува засилен ветер од северен правец, со брзина поголема од 60 километри на час.
Минималните утрински температури ќе се движат во интервал од -15 до -6 степени, додека максималните дневни температури ќе достигнат од -4 до 3 степени Целзиусови.
Во Скопје времето ќе биде променливо облачно и студено, а во претпладневните часови ќе дува повремено засилен северен ветер. Минималната температура во главниот град ќе се спушти до -9 степени, додека максималната ќе достигне околу 2 степени.
Во наредните неколку дена се очекува претежно облачно време со повремени сончеви периоди. Во западните делови ќе дува умерен ветер од западен правец, а минималните температури наутро ќе се спуштаат и до -14 степени.
МОЖЕБИ ЌЕ ВЕ ИНТЕРЕСИРА:
