Вистинска сензација се случи во осминафиналето од Купот на Кралот, каде второлигашот Албасете приреди големо изненадување и го елиминираше Реал Мадрид со победа од 3:2.
Натпреварот го одбележа бледото деби на Алваро Арбелоа на тренерската клупа на „кралскиот клуб“, кој настапи со комбиниран состав и без вистинска идеја во играта. Домаќините први дојдоа до водство во 42. минута преку Виљар, но само шест минути подоцна Мастантуоно израмни за Реал.
Во второто полувреме гостите имаа поголем посед и иницијатива, но без конкретна завршница, додека Албасете дисциплинирано се бранеше и чекаше шанса. Таа дојде во 82. минута, кога Бентанкор погоди за ново водство на домаќините. Реал сепак се спаси од пораз во регуларниот тек со голот на Гонзало Гарсија во 91. минута, но радоста беше краткотрајна.
Во 94. минута, Бентанкор со маестрален погодок повторно ја шокираше одбраната на Реал и му донесе историска победа и пласман понатаму на Албасете.
Во другите натпревари од Купот на Кралот, Бетис славеше на гостувањето кај Елче со 2:1, додека Алавес без проблеми го совлада Рајо Ваљекано со 2:0.
МОЖЕБИ ЌЕ ВЕ ИНТЕРЕСИРА:
