Шампионот на Македонија, МЗТ Скопје, претрпе пораз на домашен терен од Војводина со 73-78 во рамки на шестото коло од АБА 2 лига.
Натпреварот одигран во салата Јане Сандански понуди големи осцилации и драматичен финиш. Гостите подобро влегоа во мечот и во втората четвртина направија серија од 14-0, со што стекнаа двоцифрена предност и на полувреме заминаа со водство од 23-34.
Во почетокот на третиот период разликата порасна и до +19 (29-48), а во тие моменти се чинеше дека МЗТ ќе доживее убедлив пораз пред својата публика. Сепак, македонскиот првак не се откажа и со силна серија од 16-0 успеа да се врати во натпреварот.
МЗТ се доближи на само два поени негатива (61-63), а кратко потоа и го презеде водството со 66-65, што дополнително ја вжешти атмосферата во салата. Во неизвесниот финиш, сепак, Војводина одигра посмирено, повторно ја презеде контролата и ја одбрани предноста до самиот крај.
Најефикасен во редовите на МЗТ беше Гил со 17 поени, додека Марин Петков имаше значаен придонес со 16 поени.
МОЖЕБИ ЌЕ ВЕ ИНТЕРЕСИРА:
