Времето денеска ќе биде променливо облачно со услови за повремени слаби врнежи од дожд. Во претпладневните часови, во некои повисоки места дождот ќе преминува во снег.
Ќе дува слаб до умерен ветер од југоисточен правец, кој попладне долж Повардарието повремено ќе се засилува. Минималната температура ќе се движи од 0 до 6 степени, додека максималната ќе достигне меѓу 3 и 10 степени.
Во Скопје ќе преовладува претежно облачно време со услови за слаб дожд. Ќе дува слаб до умерен југоисточен ветер. Утринската температура ќе се спушти до околу 4 степени, а дневната ќе достигне до 9 степени.
Според прогнозата на Управата за хидрометеоролошки работи, до крајот на неделата ќе се задржи претежно облачно време со повремени врнежи од дожд, кои на планините ќе преминуваат во снег. На одделни места врнежите повремено ќе бидат пообилни.
До сабота ќе дува југоисточен и југозападен ветер, а во недела се очекува промена на правецот со засилен северен ветер.
МОЖЕБИ ЌЕ ВЕ ИНТЕРЕСИРА:
