Опозициската ВМРО-ДПМНЕ обвини дека поранешната власт на СДСМ го ставила судството под партиска контрола и вршела притисоци врз судии и обвинители.
Од партијата наведуваат дека по насока на тогашното раководство биле избирани „подобни и послушни“ кадри, додека непристрасни судии биле разрешувани во кратки рокови.
Како пример го посочуваат поранешниот судија во Врховниот суд, Ристо Катевеновски, кој во телевизиско гостување изјавил дека бил разрешен откако одбил да даде позитивно мислење во судски предмет. Според неговите тврдења, станувало збор за случај поврзан со поранешната министерка за внатрешни работи Гордана Јанкуловска.
Катевеновски посочил дека по неговата изјава, дадена зад затворени врати, бил свикан итен состанок на Судскиот совет и во рок од еден ден бил разрешен. Тој тврди дека одлуката била донесена под влијание на тогашните владејачки партии СДСМ и ДУИ.
Од ВМРО-ДПМНЕ оценуваат дека овие наводи ги потврдуваат нивните долгогодишни обвинувања за партизација на судството и обвинителството.
„Овој случај уште еднаш покажува дека СДС и ДУИ си ја партизираа државата и ги заробија институциите“, се наведува во соопштението, од каде додаваат дека за ваквите постапки е потребна одговорност.
МОЖЕБИ ЌЕ ВЕ ИНТЕРЕСИРА:
