Директорката на Лувр, Лоренс де Кар, поднесе оставка, која беше прифатена од Емануел Макрон, соопшти Елисејска палата.
Оставката доаѓа четири месеци по спектакуларниот грабеж во најпосетуваниот музеј во светот, кога криминалци на 19 октомври украдоа кралски накит вреден 88 милиони евра, користејќи обичен товарен лифт. Случајот, наречен од медиумите „грабеж на векот“, предизвика силни реакции во јавноста и отвори прашања за безбедноста во институцијата.
Макрон ја поздрави нејзината одлука како „чин на одговорност во време кога најголемиот музеј во светот има потреба од смирување на тензиите и нов силен моментум за спроведување на големи проекти за безбедност и модернизација“.
Покрај кражбата, музејот се соочи и со други сериозни проблеми. На 12 февруари беше објавено дека Лувр е цел на голема измама со билети, која предизвикала штета од над 10 милиони евра. Ден подоцна, истекување на вода оштети обоен таван од 19 век, поради што дел од салите беа привремено затворени.
Серијата инциденти предизвикаа загриженост околу управувањето и безбедносните протоколи во една од најзначајните културни институции во светот.
МОЖЕБИ ЌЕ ВЕ ИНТЕРЕСИРА:
