Полициски службеници од хеликоптерската единица на Министерство за внатрешни работи на Северна Македонија, заедно со припадници на специјалната единица САЕ Тигар, денеска успешно спасија и евакуираа повредено лице од падините на Шар Планина.
Од МВР информираат дека по добиен повик во претпладневните часови, тим од хеликоптерската единица веднаш полетал кон местото на настанот заедно со припадници на САЕ „Тигар“.
Во тешки временски услови и на непристапен терен, тие успеале да ја лоцираат и да ја преземат повредената италијанска државјанка, по што со хеликоптер била транспортирана до Клинички центар „Мајка Тереза“ во Скопје.
Таму ѝ била укажана соодветна медицинска помош, а од МВР истакнуваат дека акцијата била успешно реализирана благодарение на брзата реакција и координацијата на полициските тимови.
МОЖЕБИ ЌЕ ВЕ ИНТЕРЕСИРА:
