Силно невреме проследено со обилни врнежи од дожд попладнево погоди делови од западна Србија, а меѓу најпогодените градови е Крагуевац, каде што улиците за кратко време се претворија во реки.
На социјалните мрежи се појавија снимки од населбата Пивара, на кои се гледаат автомобили како се движат низ големи количини вода, оставајќи впечаток дека пловат наместо да возат по улица. Видеото за кусо време привлече големо внимание на интернет, а многумина ја споредија ситуацијата со поплавените улици на Венеција.
„Моментална состојба во Пивара: Венеција во верзијата на Крагуевац“, стои во описот на снимката која масовно се споделува на социјалните мрежи.
Невремето предизвика проблеми во сообраќајот и отежнато движење во неколку делови од градот, додека граѓаните споделуваат фотографии и видеа од поплавени коловози, дворови и улици.
Во меѓувреме, Републичкиот хидрометеоролошки завод на Србија предупреди дека до крајот на денот се очекува променливо и нестабилно време со локални врнежи од дожд, грмежи и засилен ветер.
Метеоролозите предупредуваат дека во одредени подрачја се можни поинтензивни грмотевични процеси, проследени со град, обилни врнежи и силни налети на ветер, поради што се препорачува дополнителна претпазливост.
МОЖЕБИ ЌЕ ВЕ ИНТЕРЕСИРА:
