Француската фудбалска репрезентација се соочува со сериозна неизвесност пред почетокот на Светското првенство, откако под знак прашалник е ставен настапот на дефанзивецот Вилијам Салиба.
Според француските медиуми, 25-годишниот стопер се здобил со повреда за време на финалето од Лигата на шампионите, при што дополнителните медицински прегледи укажале на посериозен проблем кој би можел да го оддалечи од терените на неколку недели.
Се наведува дека Салиба ја влошил претходно постоечката повреда во саботниот натпревар против ПСЖ, што дополнително ја комплицира ситуацијата и го доведува во прашање неговото учество на Мундијалот во САД, Канада и Мексико.
За францускиот репрезентативец, кој досега има 31 настап за националниот тим, следува период на интензивно следење и медицински проценки, при што секој ден ќе биде клучен во трката со времето за да се врати во натпреварувачка форма навреме за најголемиот фудбалски турнир.
МОЖЕБИ ЌЕ ВЕ ИНТЕРЕСИРА:
