Мал авион се урна денеска во областа Медулин во Истра, а според првичните информации има и жртви.
Полицијата во Истра соопшти дека пријавата за несреќата ја добила во 11:25 часот. Авионот се срушил во Кампанож, ненаселена област на административната граница меѓу Пула и Медулин.
На местото на несреќата веднаш биле испратени екипи на итната медицинска помош, пожарникари и полициски службеници, кои преземаат мерки за утврдување на причините за падот на леталото.
Службеникот за односи со јавноста на полицијата, Ален Пачиќ, потврдил дека во несреќата загинале неколку лица, но засега не е соопштен точниот број на жртви.
Според неофицијалните информации што ги објавуваат хрватските медиуми, бројот на загинати се движи меѓу четири и пет лица. Надлежните институции сè уште работат на идентификација на жртвите и утврдување на сите околности поврзани со несреќата.
Повеќе детали се очекуваат по завршувањето на увидот што се спроведува на местото на настанот.
МОЖЕБИ ЌЕ ВЕ ИНТЕРЕСИРА:
