Американскиот претседател Доналд Трамп изјави дека го предупредил израелскиот премиер Бенјамин Нетанјаху да не започнува нов воен конфликт со Иран, посочувајќи дека таков потег би можел да ја доведе во прашање американската поддршка за Израел.
Во интервју за американски медиум, Трамп открил дека лично му упатил порака на Нетанјаху да биде внимателен во носењето одлуки кои би можеле дополнително да ја дестабилизираат ситуацијата на Блискиот Исток.
„Му реков: ‘Биби, подобро внимавај, инаку многу брзо ќе останеш сам’“, изјавил Трамп.
Тој истовремено ги отфрли критиките дека евентуална поддршка за израелски воени активности би била спротивна на неговото предизборно ветување дека нема да вовлекува нови војни за време на неговиот мандат.
Изјавата на американскиот претседател доаѓа во период на зголемени тензии меѓу Израел и Иран. Само неколку часа по неговите коментари, двете земји разменија нови напади, што повторно ги засили стравувањата од поширока ескалација на конфликтот во регионот и можни последици за безбедноста на Блискиот Исток.
МОЖЕБИ ЌЕ ВЕ ИНТЕРЕСИРА:
