Американскиот претседател Доналд Трамп најави можност за нови воени акции против Иран, откако беше замолен да ја појасни својата претходна изјава дека Техеран „ќе мора да ја плати цената“.
„Ќе ги нападнеме, ќе ги нападнеме многу силно“, изјави Трамп пред новинарите во Овалната соба.
На прашањето дали тоа подразбира продолжување на бомбардирањата, американскиот претседател одговори потврдно, додавајќи дека САД имаат право да преземат такви чекори.
Трамп повторно го обвини Иран дека соборил американски хеликоптер „Апачи“ со беспилотно летало во близина на брегот на Оман.
„Вчера силно ги удривме, а денес повторно силно ќе ги удриме, во случај да сте го пропуштиле тоа“, изјави тој.
Воедно, Трамп повтори дека Иран треба да го потпише предложениот договор со САД, оценувајќи дека станува збор за добар договор кој би спречил Техеран во иднина да поседува нуклеарно оружје.
Според него, договорот бил практично усогласен, но иранската страна продолжувала да одолговлекува со конечната одлука.
„Договорот е целосно договорен, но тие постојано се двоумат“, рече Трамп.
Неговите изјави доаѓаат во период на зголемени тензии меѓу Вашингтон и Техеран, што дополнително ги засилува стравувањата од нова ескалација на конфликтот во регионот на Блискиот Исток.
МОЖЕБИ ЌЕ ВЕ ИНТЕРЕСИРА:
