Палестинското движење Хамас синоќа го поздрави договорот постигнат меѓу САД и Иран за прекин на воените дејствија на Блискиот Исток, изразувајќи надеж дека тој ќе придонесе за намалување и евентуално запирање на насилството во Појасот Газа.
Во соопштението, Хамас му упати честитки на својот ирански сојузник за, како што наведуваат, „цврстината“ во соочувањето со „притисоците и предизвиците“. Движењето истовремено оцени дека договорот може да има „позитивно влијание врз различни регионални прашања“, со посебен акцент на потребата од „итен прекин на израелската агресија“ во Газа, Либан и на други фронтови.
Палестинската енклава, која е тешко погодена од двегодишниот конфликт по нападот на Хамас врз Израел, и понатаму останува сцена на секојдневни судири и израелски напади. Според податоците на Министерството за здравство во Газа, кое е под контрола на Хамас и чии бројки се сметаат за релевантни од Обединетите нации, по воспоставувањето на кревко примирје во октомври минатата година, загинале најмалку 992 Палестинци. Израелската армија, пак, соопшти дека во истиот период загинале петмина нејзини војници.
Во меѓувреме, израелскиот премиер Бенјамин Нетанјаху изјави дека израелските сили ќе останат присутни во Газа, Либан и Сирија „онолку долго колку што е потребно“.
МОЖЕБИ ЌЕ ВЕ ИНТЕРЕСИРА:
