Во скопската населба Бирарија започна реконструкцијата на улицата „Томе Арсовски“, како дел од инфраструктурните активности во Општина Кисела Вода. Проектот се реализира со средства од унгарскиот кредит, во рамки на втората фаза од пакетот проекти финансирани преку овој извор, согласно договорот меѓу Владата и Министерството за транспорт.
Од Општина Кисела Вода информираат дека со овој зафат се предвидува целосна реконструкција на улицата, што ќе придонесе за подобрување на безбедноста во сообраќајот, зголемена пристапност и поквалитетна локална патна инфраструктура.
„Со реализацијата на овој проект, Општина Кисела Вода уште еднаш ја потврдува својата заложба за континуирани инвестиции во инфраструктурата и создавање современи и функционални услови за секојдневниот живот на жителите“, соопштија од локалната самоуправа.
Градоначалничката на Општина Кисела Вода, Бети Стаменкоска-Трајкоска, истакна дека реконструкцијата претставува значаен чекор во унапредувањето на локалната инфраструктура и подобрувањето на условите за живот на граѓаните.
МОЖЕБИ ЌЕ ВЕ ИНТЕРЕСИРА:
