Времето денеска ќе биде променливо облачно и топло, со сончеви периоди во текот на денот. Ќе дува умерен до засилен ветер од северен правец, кој на одредени места, особено во источните делови на земјата, ќе достигнува брзина до 40 километри на час.
Утринските температури ќе се движат меѓу 9 и 18 степени, додека дневните ќе достигнат од 26 до 34 степени.
Во Скопје се очекува променливо облачно време со сончеви периоди и слаб до умерен ветер од променлив правец. Температурата во главниот град ќе се движи од 15 до 31 степен.
Според прогнозата на Управата за хидрометеоролошки работи, во наредните денови до почетокот на следната седмица времето претпладне ќе биде претежно сончево со умерена облачност.
Метеоролозите предупредуваат дека поради зголемената енергија во атмосферата, во попладневните часови ќе има услови за локална појава на краткотрајно невреме, особено во југоисточните делови на државата.
МОЖЕБИ ЌЕ ВЕ ИНТЕРЕСИРА:
