Четвртфиналниот дуел на Светското првенство 2026 меѓу Аргентина и Швајцарија, кој заврши со победа на „гаучосите“ од 3:1 по продолженија, освен со возбудувањата на теренот беше одбележан и со еден момент кој привлече големо внимание во јавноста.
Во центарот на вниманието се најдоа капитенот на Аргентина, Лионел Меси, и португалскиот судија Жоао Педро Пињеиро, кои влегоа во жестока расправа поради начинот на кој арбитарот му се обратил на аргентинскиот фудбалер.
Инцидентот се случил во првото полувреме, непосредно пред изведувањето слободен удар за Швајцарија. Меси се наоѓал во живиот ѕид, а судијата му укажал да се помести на пропишаното растојание. Капитенот на Аргентина реагирал на тонот и гестикулациите на Пињеиро, а разговорот продолжил и по изведувањето на ударот.
Телевизиските камери го фатиле моментот кога Меси повторно му пришол на судијата. Според читањето од усните, аргентинската ѕвезда му порачал:
„Зборувај со мене со почит. Не покажувај непочитување. Ти зборувам убаво“.
И покрај размената на зборови, Меси останал смирен и не дошло до дополнителна ескалација. Ситуацијата поминала без дисциплински мерки, но брзо стана една од најкоментираните сцени од четвртфиналето.
Судијата Жоао Педро Пињеиро, 38-годишен арбитар од Португалија, важи за еден од најперспективните европски судии. Тој дебитирал во најсилната португалска лига во 2015 година, а само една година подоцна станал судија со значка на ФИФА.
Во текот на кариерата Пињеиро судел натпревари во Лигата на шампионите, Лигата на Европа и Суперкупот на УЕФА во 2025 година, што му донесе место меѓу арбитрите избрани за Светското првенство 2026.
МОЖЕБИ ЌЕ ВЕ ИНТЕРЕСИРА:
