ФИФА го објави официјалниот идеален состав на Светското првенство во 2026 година, а најмногу фудбалери во најдобриот тим има новиот светски шампион Шпанија.
„Црвената фурија“ дојде до втората светска титула со одлични настапи на своите фудбалери, а местата во идеалниот тим ги обезбедија Марк Кукурела, Педро Поро и Родри.
Финалистот Аргентина има двајца свои претставници. Лионел Меси се најде во нападот по фантастичниот турнир на кој постигна осум голови и запиша четири асистенции, додека Лисандро Мартинез беше избран во централниот дел од одбраната.
Франција исто така има тројца играчи во најдобриот состав. Килијан Мбапе, кој беше најдобар стрелец на турнирот, и Михаел Олисе се дел од офанзивниот дел, додека Дајо Упамекано го предводи дефанзивниот ред.
Средниот ред го дополнува англискиот репрезентативец Џуд Белингам, кој повторно импресионираше на најголемата фудбалска сцена, а местото на централен напаѓач му припадна на Ерлинг Халанд поради неговата голгетерска форма.
Посебно признание доби голманот на Зеленортските Острови, Возиња, кој беше едно од најпријатните изненадувања на шампионатот со своите одлични одбрани и заслужено се најде меѓу најдобрите единаесетмина.
Идеален тим на Светското првенство 2026 година (формација четири-три-три):
Голман: Возиња (Зеленортски Острови)
Одбрана: Марк Кукурела (Шпанија), Дајо Упамекано (Франција), Лисандро Мартинез (Аргентина), Педро Поро (Шпанија)
Среден ред: Џуд Белингам (Англија), Родри (Шпанија), Михаел Олисе (Франција)
Напад: Лионел Меси (Аргентина), Ерлинг Халанд (Норвешка), Килијан Мбапе (Франција)
МОЖЕБИ ЌЕ ВЕ ИНТЕРЕСИРА:
